政府将于明日发表新一份《财政预算案》，市场憧憬楼市全面撤辣，楼价或有望止跌回升。祥益地产总裁汪敦敬在2021年曾说“3年后你会后悔冇入市”，3年过去，他接受《星岛头条》访问时向网民作出回应，又表示即使全面撤辣，虽然对楼市有改善，但“楼市唔系老奉上升”要视乎供求比例。

市场需要租盘

对于预算案撤辣与否，汪敦敬不作过多猜测，但他认为撤辣对楼市会有改善，但要视乎各种因素，“唔好忘记好多香港人系揸住好几层物业，呢一类人会唔会卖一两个出去？咁嘅话就会造成放盘量多于成交量，即使全面撤辣，楼市都唔系老奉上升，冇保证㗎！要配合供求先可以计算到。”即使最终全面撤辣，汪敦敬不相信是一个“全民皆喜悦嘅减辣”，他指出今年还有好多考验，例如23条立法年中才会通过，要留意社会动向。

汪敦敬认为现时市场需要更加多租盘，应该鼓励更多人收租。因为社会已经大量开放人口进入香港，租盘需求将一直增加，但现行楼市辣招不利增加租盘，“因为买第二层楼就要收辣税，虽然税项有减少，但系都系一个大数目。所以我觉得政府而家要谂清楚，长远收租系咪一个短炒行为，我自己觉得就唔系，咁样系杀错良民，一直都唔应该针对长远收租嘅业主，系唔应该要有辣税，买楼收租唔系要打击嘅对象。”

楼市将见黎明

展望楼市，汪敦敬认为今年至少可以稳住阵脚，因为去年出现部份从未试过的因素，例如银行高息定期，不少市民将大部份资金冻结于银行体系，但随着定期减息，开始有收息客买楼，资金流入市场。

成交量方面，他指农历新年过后，2月第3个星期日，成交量已增加五成或以上，“系咪叫小阳春？我都唔敢哗众取宠，但的而且确市场正在进入一个比较好嘅情况，我觉得购买力逐渐喺银行出紧嚟，唔系想象中咁差。”

随着股市开始回升，他预计今年楼市会稳住阵脚而且重新起步向上，料会上升5至10%，“但我强调截至今日访问为止，有八成嘅板块系已经止跌，仲有部份板块系正在沉底，例如细单位，400几万嘅三房、300几万嘅两房，位于屯门、或其他冷门地区。” 他续指，大部份板块已回稳，现时租金回报率高达三厘，加上定期息口回落，多了资金流入市场，“而家仲系悲情，但等待黎明嘅时间唔会太长。如果礼拜三出招冇料到就等多期，但我预计最迟都系等多一两个月就可以搵到谷底向上。”

另外，汪敦敬认为政府应该设立年轻人置业资助贷款，助年轻人上车，他指，“而家年轻人比我哋以前仲要多咗Grant Loan（学资处资助贷款计划），如果政府冇一个更好嘅财务安排资助年轻人上车，好多人都会中途放弃唔再买楼。”

睇好豪宅市场不会减持

同时作为资深投资者的汪敦敬，认为政府暂时已出的招数， 已对其主要投资大有帮助，“你见到较高档次嘅豪宅市场好早已经稳定咗，有部份甚至冇跌过。商铺方面最近多咗自由行，亦令到我嘅核心铺位直接受惠，但如果再投资的话，我系需要银行态度更稳定，而家我哋想去投资都会考虑银行会唔会好小心，虽然我哋唔系每个物业都借钱，但系即使我哋借唔借钱都好，都会关心银行态度。”

汪敦敬同时持有多个九龙站豪宅，他表示睇好豪宅市场，不会沽货减磅，“喺香港大湾区一体化之下，望维港景同高铁站一带豪宅更加增值，当然未反映于价钱上，但对比几年前，而家有高铁、西九文化区，加上内地环保做得好，天色更清朗，我每日起身都睇到日出，维港一带豪宅会进一步成为大湾区核心。”

回应三年前豪言

疫情期间，汪敦敬以逾亿元买入尖沙咀、铜锣湾等铺位，2021年曾接受传媒访问时豪言，“三年后你会后悔冇抓紧机会入市”，三年过去，此番言论成为网民最近热话，汪敦敬就事件回应，“可以用返今日（26日）报道去回应，我三年前将汉口道铺位租畀Bakehouse，而家嘅租金已经加咗38%，如果我三年前做咗份租约，三年后仍然可以加租38%，我觉得系有配合到我当初讲嘅嗰一句说话，当然冇可能绝对性每个人都啱用，一个好嘅收租回报率系我预期，但我唔会预期而家卖铺，因为呢个系至少10年嘅投资，喺我嘅计划嚟讲，三年前买铺系啱，三年前仍然有好多机会系享受到，例如低息环境，当然任何投资都有升有跌，我会承担投资风险同埋享受机会。”

汉口道长龙烘焙店Bakehouse，建筑面积约1000方呎，两年来，月租由18万劲加至25万，幅度38%。铺主汪敦敬表示：“我们和租客都互相投资落对方，开始时（2021年10月），我们给予18万平租，一年后加至20万，去年10月踏入第3年，月租加至25万。”他又说：“此铺位巷仔单边，我特地将巷仔粉饰一番，铺前行人路特别阔，本身栽种树木，有情调，适合排队！Bakehouse蛋挞一件售价约12元，以月租25万计算，日卖逾670件蛋挞足够交租。

以上内容归星岛新闻集团所有，未经许可不得擅自转载引用。