一名怪大叔在港铁金钟站乘搭扶手电梯时，离奇阻塞通道劈腿拉筋，无视卫生把脚搁于扶手上惊险大玩金鸡独立。网民闹爆举动无品又危险，担心“碌落去累街坊”。

楼主：整完左边整右边

楼主早前（12日）在社交平台Threads以“港铁日常”为题上载摄于金钟站的相片发帖，留言指“呢位阿叔想点呢？整完左边，整右边，都被人瞪咗几转，仲系咁....”。

相中孭着大背囊的大叔在扶手电梯上，左右脚轮流开弓，一只脚搁于扶手上，一只脚惊险金鸡独立。

网民怒斥大叔的恶行，尤其担心发生意外，直接指“唔好害人”、“条友好冇品得佢一个人用咩”、“拉筋就搵个适合嘅地方啦”、“反社会人格。偏系唔俾你行电梯”、“最唔锺意哩啲‘拉筋人’ ，只脚放喺栏杆上，其他人唔使用啦，哩个仲系特别衰”。

网民：好惊佢失平衡

有人担心“好惊佢会失去平衡”、“一阵间chok一chok就跌死”、“佢一失足碌落去，前面啲人多得佢唔少”。

有网民谨慎地提醒“远离佢两点，惊佢一跌低就后面的人都会有危险”，楼主也回应指“系喎，佢一跌，后面跨唔过都有危险”。在回应“可唔可以唔好咁黐线呀，一阵唔小心碌咗落去累街坊呀”时，楼主表示“同样担心，但阿叔好似未惊过”。

楼主：成程有几个人叫佢借借

楼主在回应栏进一步补充：

•“如果脚软碌落去，下面班人多得佢唔少”；

•“金钟条长自动电梯，成程已经有几个人叫佢借借，再bear住佢，借完又放返只脚上去。。。我惊我过完佢头，佢失平衡我就gg（完蛋了）”。