44岁的创作女歌手方皓玟（Charmaine）3日在IG发文闹爆一名的士司机的卑劣行为，更气爆表示：“我睇你唔顺！”事缘方皓玟目击的士司机因内地女游客没现金支付车资，引起的士司机不满而气爆乘客，最后，方皓玟睇唔过眼帮对方支付。

方皓玟IG炮轰冇品的士司机

方皓玟在IG发文，她写道：“今日帮一位内地女游客俾咗$50的士费。原因係因为她没带现金喺身，个的士司机，不停闹佢，我真係睇唔过眼，人哋已经叫紧朋友攞钱嚟俾佢，叫你等一阵，使唔使擘大喉咙咁闹人，香港人嘅待客之道就係咁样吗？希望真係只得你係咁。如果个个都係咁，呢个城市有点可悲。”

▲方皓玟3日在IG发文闹爆一名的士司机的卑劣行为。

方皓玟斥的哥心地差

方皓玟续炮轰的士司机“心地差”：“又不是得罪你，只係迟少少畀钱。真的咁大问题吗？我见到就扯火。最激气嘅係，当我行过去畀钱个司机嘅时候，佢问我你係佢朋友咩？点解要帮佢？我就觉得呢个人心地真的很差。我话，我唔係佢朋友，但我睇你唔顺眼。”不少网民大赞方皓玟心地善良，但亦有人持不同立场，指女游客唔抵帮：“确实好好人但係唔可以怪司机囉（点解冇现金要坐的士呢？你有冇谂过）”、“全世界大陪份国家搭的士都係畀现金㗎啦”。对于网民的留言有赞有弹，方皓玟在数小时后再上载一张写著“relax放松”的照片，并写道：“I don't  XXXXXXX care.我做咗一件我认为啱嘅事，呢个係我嘅选择，如果你哋觉得唔啱，继续去批评你哋继续留言啦，我冇所谓，随便你，我去瞓觉早唞。bye~”

方皓玟再留言还原事件

事件引起网民热议，方皓玟亦在IG的留言区留言还原事件，“我讲清楚少少当时全个过程，嗰阵我企咗喺度等车，亲眼见住架的士停车，然后乘客开门，接住就 ‘立即’听到的士司机好大声係咁闹，而位女士乘客係咁道歉，乘客亦都即刻搵方法，立刻call朋友攞现金，同时亦都听到位女士keep住係咁道歉，亦有同司机大佬讲会畀番多啲车费，但司机大佬继续不断係咁破口大骂。”司机的行为令方皓玟气到爆粗，“明白司机大佬要搵食，但个乘客係有礼貌、feel sorry，唔係嗰种无品嘅旅客，所以嗰刻嘅反应係过去帮个乘客俾咗钱了事。要搵食我明白，但无礼貌就係无礼貌，一个男人粗口夹杂咁闹一个係咁道歉嘅女乘客，司机大佬心急，可以有好多种方法礼貌啲去处理而唔需要去到咁尽，如果全部人都係用 ‘搵食’ 呢2个字就大X晒，可以咁无礼貌，对女仕咁无风度，少少同理心都唔能够容许，咁香港亦都无得救。点解大家都咁钟意去日本旅行，其中咪就係因为日本人有礼貌。香港依家经济已经够差，大家生活都唔容易，明白司机大哥要搵食，喺艰难嘅环境下，每人行多一步，忍一忍让一让，成个社会气氛好啲，大家有饭开，就係咁简单。”

方皓玟回应连登仔单亲问题

方皓玟更新IG，她贴片分享，“无谂过今时今日我会上连登，方皓玫个Threads都几特别？哈哈哈！”有连登仔留言指方皓文是单亲妈妈压力大？对此，方皓玫笑说：“我压力大？其实我觉得单亲係愉快㗎！最紧要愉快，我都唔明啲人点解要攻击我离婚，香港嚟讲呢，离婚率高达七成，其实三成唔离婚一路到尾先係少数，咁嗰啲少数嘅人点解要闹我哋呢啲多数嘅人呢？OK，Come on, Be Happy！”方皓玟又被连登仔指她买楼后失常？她又解释说：“买楼之后失常？我未收楼所以未失常！”

有网民误以为麦美恩影射方皓玟

又有网民问她“见过麦美欣戈个未？”其实麦美恩曾经在自己的Threads表示：“风都吹得起 食多啲嘢啦唔该” ，有网民竟对号入座以为在影射方皓玟，因此方皓玫有怀疑地表示：“食多嘢啦唔该！咦！佢係咪讲紧我？”随后方皓玟用Cam man的电话留言，“你係咪讲紧方皓玟啊？”事后麦美恩迅速回应：“唔係啊。唔係啊。唔係你啊！”而方皓玟亦表示：“麦美恩如果你讲紧我，你同我单声，我会回应你，唔使喺Threads到。”其实麦美恩是港泰混血儿邝玲玲忠粉，经常在Threads与网民谈论邝玲玲，引起误会后，麦美恩亲自回覆方皓玟，还请求网民帮忙替她解释，她只是同网民围炉倾邝玲玲与方皓玫无关。”而方皓玟亦回应有厌食症一事：“我食到隻积咁，点样厌食症呀！一个人係咪唔可以食极都唔肥呢？我食极唔肥唔係我想㗎嘛，有家族遗传呢家嘢，你无理由针对人哋个genes㗎！”

以上内容归星岛新闻集团所有，未经许可不得擅自转载引用。