资料宝库篇 ─ 细数星岛经典珍藏

Keith - 资料室馆长

从事数据管理超过35年

香港全盛时期有2500几个报摊，但少吓一个，少吓又一个，而家只系净返300几个！虽然报摊买少见少，但报纸出版仍然屹立不倒，好似1938年创刊嘅《星岛日报》已经陪伴咗几代香港人成长！呢啲时代点滴，全部记录喺我哋星岛数据室入面。

星岛数据室可以话系历史宝库，呢啲一本本咁厚嘅“报纸合订本”，系将每日出版嘅《星岛日报》订装成册，每6日钉装成一本，一个月就有5本；其中1997年嘅合订本系最厚，因为当时纸媒百花齐放，加上97回归，无论新闻同广告都系最多，平均每日印刷320版，系历年最多架！

资料室仲有好多珍贵嘅照片，好似木屋区嘅生活环境、制水时排队轮水嘅情况、中秋月饼会拎月饼嘅喜悦，呢啲全部都系星岛摄影师喺前线用镜头捕捉架！

用“藏品说话”嚟形容星岛资料室真系好贴切，你又认唔认同呢？

以上内容归星岛新闻集团所有，未经许可不得擅自转载引用。