导演贾胜枫的首部电影《流水落花》以寄养家庭为背景，邀得天后郑秀文（Sammi）合作，他坦认最初担心对方不答应，亦顾虑大明星难沟通，结果Sammi在片场就是角色“天美姨姨”，任小演员爬上大髀玩，又踢住拖零架子跟贾导倾戏，跟台上的天后气场判若两人。

▲贾导跟Sammi合作愉快，令他对未来跟演员沟通更有信心。

▲贾导跟Sammi和陆骏光亲到戏院谢票。

贾导对寄养家庭背景有兴趣，除了有朋友曾是寄养儿童，对这方面有多点了解外，新导演以家庭背景创作故事较易令观众有共鸣。而他跟编剧太太罗金翡构思剧本时，已铁定男、女主角是陆骏光和Sammi，前者因拍短片时认识，就像“何彬”一样有大细路性格，而后者虽不认识，但就跟角色特质不谋而合，“佢畀人感觉外表好硬净好倔强，内里有少少脆弱同温柔，同角色系perfect match，‘天美’死咗个仔，要撑住令人觉得佢OK冇事，扮到好坚强，我搵唔到第2个女演员更适合。”

▲Sammi跟“天美姨姨”有同样外刚内柔的特质。

▲陆骏光跟角色“何彬”一样都有大细路一面，很容易跟小朋友相处。

Sammi同小演员似家人

首次执导长片便想跟天后合作，贾导直认最初打定输数Sammi未必答应，到答应后又担心难沟通，不过甫合作已令他紧张全消，“一开始谂佢咁资深同过咁多导演合作，一定会评价我，但佢入咗片场就系‘天美姨姨’，会踢住拖鞋，坐喺床上面抹住汗同我讨论应该点演，连唔使出镜，行步路都系‘天美姨姨’，睇得出佢私底下做咗好多功夫同研究，呢种亲近，好快令我放低紧张。拍完戏（2021年）后Sammi叫我睇佢演唱会，佢喺台上又唱又跳，嗰吓先醒觉，Sammi系一粒星嚟，突然感觉‘天美姨姨’走咗嘞！嗰吓都有少少眼湿湿舍不得。”

▲Sammi在镜头外一样“天美姨姨”上身。

▲2021年Sammi举行迷你演唱会，亦有邀请贾导欣赏。

▲Sammi凭电影再获电影评论学会封为影后，兼得到金像奖提名。

Sammi和陆骏光要跟好多小演员演多场感情戏，贾导大赞他们的专业令拍摄更顺利，“两个主角知道唔系要拍嗰吓先同小朋友建立感情，所以佢哋唔使埋位时，会同我坐喺房一齐睇Mon，啲小朋友好自然爬咗上佢哋大髀一齐睇，喺度胡言乱语，就好似一个家庭，佢哋镜头外都咁玩，入戏就好容易。”

▲贾导盛赞Sammi和陆骏光镜头内外，都肯花时间跟小演员沟通。

▲戏中共有7个小演员，导演从接近100人的海选中拣出。

以上内容归星岛新闻集团所有，未经许可不得擅自转载引用。