51岁的江美仪凭台庆剧《下流上车族》内“度缩”车太晋身“最佳女主角”十强，跟“影后”鲍起静（鲍姐）、“民选视后”陈炜及“当扎姐仔”陈滢拗手瓜。转投TVB 13年的美仪，恨攞“视后”恨到出晒口：“学祥哥（黎耀祥）咁讲，人生有几多个十年？每十年要有进步，十年前夺‘女配’，𠵱家拎埋视后最十全十美，因为再过多十年，就会变‘终身成就奖’喇！”为争视后，美仪唔介意卖身TVB，恨不得签15年长约做亲生女，做到66岁就退休啱啱好。

▲多咗观众缘嘅江美仪变得愈嚟愈省镜。（多了观众缘的江美仪变得越来越省镜）

▲江美仪近年变得有观众缘。

全靠天时、地利、人和，今年江美仪遇到拥有好剧本、角色及对手的《下流上车族》，亦是她多年以来最有信心得奖的一次。台庆颁奖礼前夕，江美仪满怀期望：“平常面对啰，有就开心，冇就预咗，我提咗身边人唔好畀我太大压力，尤其妈妈话要攞飞去现场见证我的视后一刻，咁我都明嘅，喺阿妈眼中个女永远系最好，我怕佢哋会失望时，自己又会唔开心，所以都系睇淡啲好，不过，为咗尊重场合，经已拣咗靓靓战衣赴会。”

▲林敏骢和江美仪在《下流上车族》中演两公婆，擦出唔少火花。

▲江美仪、林敏骢及郭柏妍于TVB台庆颁奖礼前，在其他媒体举行的颁奖礼中获奖。

▲美仪背后有爸爸、妈妈及妹妹力撑，同鲍姐齐提名当赢咗（了）。

叫美仪分析“视后”形势，她坦言也被考起：“其实真系好难，我戥有份评审嘅TVB高层头痛，陈滢嘅《痞子殿下》好好睇，记得播出时正值暑假，我妹妹都有追睇；而唐诗咏主演嘅《超能使者》系新剧种，又有话题性；陈炜嘅《回归》系重头剧，背景好劲，都系大热剧作；至于鲍姐经已系金像影后级数，尤其剧中佢对住个手机留言嗰场戏，原先发悔气闹爆个仔，但又惊激嬲阿仔，最终转变态度含泪哀求儿子唔好移民唔理佢，一个画面有3种情绪，属教学级演技，所有演员都应该睇吓，佢就算让半臂都赢晒，加埋论资排辈，输畀鲍姐系应该嘅，佢真系实至名归，冇可能赢到呢个对手，坦白讲，自己未够好，要叻到赢到鲍姐先算叻，我都未去到呢个位，同佢一齐提名就算赢咗。”

▲陈滢性感泳衣照比演技更吸引。

▲年过50的江美仪仲Keep到好身形，有条件再演多15年。

▲过多十年拎终身成就

不过，视《下流》为代表作的美仪坚持唔想让奖：“咁（让奖）又唔得，人生有几多个十年呀！每十年要有一个蜕变，再过多十年就拎终生成就奖㗎嘞，所以呢个奖对我嚟讲好重要。”恨攞奖的美仪愈讲愈兴奋，“你知我几惹是非，难得拍呢个剧冇畀人闹，观众又钟意我个角色，个剧咁受欢迎，一班演员又好无私咁团结演出，连林敏骢都好有分寸，佢会同我哋一齐癫，一齐返公司倾剧本…最好设双视后就皆大欢喜啦。”

江美仪跟两女“芊芊”郭柏妍、“蔓蔓”罗毓仪感情要好，约埋一齐食圣诞大餐。

由于目前江美仪同TVB签一年一套剧，跟陈炜及陈滢比较，她并非TVB“亲生女”最输蚀，对此，她带笑向TVB发表效忠论：“听闻𠵱家TVB要求新人签 15年，我希望做15年TVB‘亲生女’，最好当我新人咁捧，咁66岁我就退休。哈...”

▲“亲生女”陈炜获TVB器重。

▲江美仪在2013年夺取台庆颁奖礼“女配”奖。

以上内容归星岛新闻集团所有，未经许可不得擅自转载引用。