46岁陈山聪和25岁刘颖碹（Tiffany）在《超能使者》第四度合作，做完父女、表兄妹，今次就做情侣，仲有劲多亲密戏，两人都话有晒默契唔会尴尬，又预告会有更多身体接触，山聪甚至有赤裸场口。对于全城期待Tiffany着三点式一幕，当事人坚拒透露播出日期，讲明想睇就追剧。翻查资料，Tiffany今年有四套剧播出，有两套都要着泳衣，女方拥有34吋半D级上围，TVB当然不会浪费。
▲经常要性感演出，Tiffany近年已戒食甜嘢keep住靓body。
▲山聪认为得到视帝与否已不重要，得到观众的认同和喜爱已很满足。
山聪和Tiffany的关系认真错综复杂，先在《大步走》演父女；到《铁拳英雄》做表兄妹；再在单元剧《回归光影颂: 我的骄傲》做返父女，到今次《超能使者》及未播出的《隐形战队》就转做情侣。山聪唔担心观众接受不到，“我哋系斗气先，跟住萌生友情变感情，唔系一出嚟就拍拖好sweet，希望令观众快啲忘记嗰啲父女关系。”对于女拍档愈来愈后生，山聪好风骚，“我可以衬到力捧女神，应该开心嘅。”Tiffany觉得同山聪合作好处是多了个老师，“哈哈！系四字词语补习老师，因为剧入面佢成日讲四字词语。”她大赞山聪好识用同音字方法来教她读中文。
▲山聪和Tiffany在《大步走》中，饰演失散父女。
▲山聪和Tiffany在《超》剧再合作，默契更好。
刘颖碹唔要大只戒甜食
剧中两人有不少身体接触，第一场对手戏山聪已经要㩒住Tiffany个胸，“都冇得尴尬，监制同武指都喺现场，佢又咁信任我，呢啲戏一take过拍咗佢仲好，佢有样嘢好，鬼妹仔又大胆，唔会避忌，同埋我同佢又熟，讲清楚我哋就拍。”原来摸胸只属小儿科，山聪预告嚟紧会更激，“会有更多身体接触，我仲会赤裸Tiffany兴奋补充山聪露肉程度都唔弱，不过当然唔够她穿三点式吸引，连山聪都以“全城期待”嚟形容。
▲Tiffany很信任山聪，就算拍㩒胸戏都不会尴尬。
▲剧中Tiffany仲有大露背，扮被山聪误睇全相。
Tiffany对此冇乜压力，希望大家将焦点放返落剧情，“我唔会好抗拒，希望大家每一集都追，我唔会话畀你知几时出现，要大家睇足晒。”山聪都加把口：“呢个都系其中一样秘密武器嚟。”讲到身材较2016年参选港姐时更fit，Tiffany承认6年来下过不少苦功，“港姐后有个阶段好肿，变咗大只，上电视会横几十倍，睇剧唔锺意呢个version嘅自己，我想行健康身形，唔系瘦蜢蜢咁。”除了做健身外，她还戒食至爱的甜食，“饮食习惯变咗，冇咁锺意食甜嘢，以前好锺意饮珍珠奶茶，都有成年冇饮过。”
▲Tiffany这场三点式戏份，引起全城期待。
▲Tiffany今年仲有在《青春不要脸》，着一件头泳衣演出。
▲Tiffany早前为拍《隐形战队》，亦以三点式上阵。
对“胶勇”攞奖最有信心
山聪今年有六剧揸手，除了《超》剧，还有《铁拳英雄》、《金宵大厦2》、《十八年后的终极告白2.0》、单元剧《回归光影颂: 我的骄傲》及《美丽战场》，成为今年视帝大热之一，他对夺奖都有一定信心，不过最感激从谷底上返地面后观众仍然好支持，“今年算系陈山聪嘅纪录，最多剧出街嘅一年，仲要唔系行行企企，最重要冇一个角色重复，仲要得到观众嘅喜爱，呢样嘢比起攞奖更重要。”山聪对重返TVB后的九年有感而发，“大家睇住陈山聪呢九年嘅成长，一定要有信心，唔系行唔到呢一步，最尾攞唔到冇所谓，我已经得到我想得到嘅嘢，就系咁多角色都有唔同人嘅喜爱。”
▲山聪跟李施嬅合演的《金宵大厦2》，表现亦获外界赞好。
▲山聪今年多个角色都很突出，其中《十八年后的终极告白2.0》易服演出成为热话。
虽然山聪有信心，但亦知道外界热捧《下流上车族》的林敏骢，“今年呼声最高当然系另一个聪哥啦！哈哈！”而他在众多角色中，对《超》剧“胶勇”睇高一线，“演绎上绝对超乎头三套剧嘅辛苦，最锺意嘅角色，亦系比较复杂嘅角色，用咗二百倍能力去做。”
▲山聪有晒心理准备视帝随时是林敏骢夺得，亦认为对方是实至名归。
▲山聪和Tiffany认为《超》剧台前幕后都很用心，最希望能夺得最佳剧集。
▲若真的拥有超能力，山聪好希望时光倒流，可以让囝囝陈霆轩（Jaco）跟亡父见面。
▲Tiffany为入行一度放弃读大学，拍《超》前开始靠遥距学习，最终取得学位完成父母心愿。
以上内容归星岛新闻集团所有，未经许可不得擅自转载引用。
