何泳芍（Honey）、陈若思（Amber）、廖慧仪（Jessica）及胡美贻（Nicole），四位港姐出身的美女参与J2行山真人秀《港女野人》，节目中4人着Bra top化身性感野人，挑战上山下海。Honey解释主要配合季节，酷热天气下要保持清凉；Jessica就话睇状况着衫，最重要有保护性；Nicole坚持做返自己，不存在斗身材。

▲陈若思（左起）、何泳芍、胡美贻及廖慧仪个个有样有身材。

▲节目中四女累到不会斗性感，上山下海挑战体能及耐力。

疫情下《港女野人》拍足7个月，横跨春夏秋冬四季，所以4人着运动Bra top及羽绒亮相，节目中有唔少大晒身材画面。4人否认靠着少啲抢Fo，Amber表示，试过35度酷热天气下进行户外及水上活动，为怕中暑惟有着得清凉啲嚟散热；Nicole反而坚持着长袖衫踩单车，咁就唔会晒伤及刮伤；Jessica相信愈着得少去行山愈危险；Honey笑言大家当时都攰到死，会互相礼让：“你去你去(拍摄)。”

▲着运动Bra top嘅Amber细细粒，但身材亮眼。

Nicole强调，拍摄时抛低港姐包袱进入野人Mode，已唔会再计较我靓啲定你靓啲，只系想做返自己最真实一面，后期她更剪短头发，甚至会用海水Gel头。另外节目中唔会有斗靓竞争环节，大家亦冇时间处理妆容，有集她和Jessica在旅行车睡醒，眼屎都未清理，头都未梳就被拍，首个反应系吓到遮面。Honey称4人素颜出镜，属完全放弃治疗妆。问到4女边个身材最出众？Nicole认为大家都有长处，大赞Jessica有前有后有腹肌，身材fit到爆；Amber虽然细细粒但有黄蜂腰；Honey长腿兼有34D好身材；而她胜在身高1米68，会高啲啲。另外，Honey拍摄期间曾扮拗柴受伤行唔到，由Jessica及Nicole轮流孭住落山，行咗成个钟，即使系造假，姊妹情深都好感动，事后大家都激动爆喊，令她最难忘。

▲廖慧仪身材惹火。

▲何泳芍有34D心形胸。

▲胡美贻够高大。

以上内容归星岛新闻集团所有，未经许可不得擅自转载引用。